بليز في موضوع للنقاش ممكن تدخلوا

هاي ازيكم
انا عندي موضوع محيرني ممكن نتناقش فيه وهو موضوع عن الابراج
انا عارفه ان حاجة زي دي المفروض مامنش بيها وانا كده فعلا بس لما بشوف حضك اليوم بلاقي الكلام اللي مكتوب بالضبط عني وعن اللي حصلي بليز عيزاكو تقولوا رايكم في الموضوع ده وياريت تشوفوا حضكم فعلا بينطبق بس عارفين مهما كان الكلام ده صادق عمري ما امن بيه لاني الحمد لله بخاف من ربنا ومسلمه بس الموضوع حابه اعرف عنه اكتر وممكن من ارائكم تساعدوني ...شكرا

http://www.arabhaz.com/Horoscope/signs/Daily/

هو ده الموقوع اللي بدخل عليه ياريت تساعدوني يا جماعه

انا بصراحه مش عارف لانى مفكرتش ولا مره اشوف برجى لكن بعتقد انه مجرد تخمين او بيشوفوا مواليد البرج ده فى سنه ايه الى بيحصلهم ويكتبوه

بس يا يحيى انت مشوفتش حاول تشوف وشوف ايه رايك

انا مش معاكى دى مجرد صدفة اكيد مش كل حاجة بتقرايها بتحصل
انا كنت من المهتمين با الابراج بس اكتشفت ان حبى للموضوع تسلية مش اكتر

بسم الله الرحمن الرحيم

موضوع الأبراج منتشر من زمان اقوي وللأسف ناس كتير بتؤمن بيه عشان بيحسوا ان الكلام اللي مكتوب ماشي مع الواقع لكن بنظره تأمل بسيطه ممكن نعرف ليه
العمليه عمليه ايحاء في نظره وللأسف احنا بنصدق الكلام المكتوب عشان احنا بحاول نفصله ونركيبه بأي طريقه علي حياتنا
مثلا لو مكتوب
تعيش يوم ممتلئ بالأحباط والملل وكده .....للأسف احنا بنحاول نفسر الكلام ونركبه علي اليوم بأي طريقه يعني في اليوم ده لو صاحب البرج ده زعل مع صاحبه او في حاجه بسيطه ضيقته يقول بس هو فعلا كده ويركب الموضوع
ولو مكتوب مشاعرك جياشه لشخص في الماضي
بتحاول تدور في زاكرتك علي حب قديم او صداقه قديمه يعني من الأخر بنهيئ نفسنا علشان نرضي ونصدق بالمكتوب

ولو لاحظنا الكلام المكتوب هنلاقي انه كلام عام مش موجه لفئه غير الأخر بالعكس كلام عام جدا يكاد لا يخلو من اليوم العادي لاي شخص
كل شخص معرض للحزن والفرح والنجاح والفشل في نفس اليوم ومعرض لمواقف كتير بين اللحظه والتانيه
قال الله تعالي
قُلْ لَا أَمْلِكُ لِنَفْسِي نَفْعًا وَلَا ضَرًّا إِلَّا مَا شَاءَ اللَّهُ وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ إِنْ أَنَا إِلَّا نَذِيرٌ وَبَشِيرٌ لِقَوْمٍ يُؤْمِنُونَ

وقال الله تعالي
وَمَا كَانَ اللَّهُ لِيُطْلِعَكُمْ عَلَى الْغَيْبِ وَلَكِنَّ اللَّهَ يَجْتَبِي مِنْ رُسُلِهِ مَنْ يَشَاءُ فَآَمِنُوا بِاللَّهِ وَرُسُلِهِ وَإِنْ تُؤْمِنُوا وَتَتَّقُوا فَلَكُمْ أَجْرٌ عَظِيمٌ
وقال الله تعالي
قُلْ لَا أَقُولُ لَكُمْ عِنْدِي خَزَائِنُ اللَّهِ وَلَا أَعْلَمُ الْغَيْبَ وَلَا أَقُولُ لَكُمْ إِنِّي مَلَكٌ إِنْ أَتَّبِعُ إِلَّا مَا يُوحَى إِلَيَّ قُلْ هَلْ يَسْتَوِي الْأَعْمَى وَالْبَصِيرُ أَفَلَا تَتَفَكَّرُونَ

ونحن كمسلمين نعلم الغيب لا يعلمه الا الله سبحانه وتعالي ولا احد يعلم به غيره
واخير ممكن نعمل شئ بسيط
لو تابعنا اخبار الأبراج في يوم محدد في اكتر من موقع او في اكتر من جريده بتنشره في نفس اليوم
اكيد هنلاقي اختلاف واضح وتام بينهم

ميرسي يا جماعه على رايكم
بس انا كنت متوقع كلامك كده ان الكلام ده بحاول اطبقه على كلامي بس حضي امبارح بالضبط نفس اللي حصل هو ده اللي خلاني احس بكده والله نفس نفس اللي حصل بالضبط الحظ قال ان سوف يرجع لك حب قديم لدخول في حياتك وفعلا ده حصل مش عارفه بجد انا خايفه اصدق الكلام ده
بس على العموم مرسي على رايكم وياريت ترجبوا وتشوفوا حضكم وتقولوا رايكم في اللي شوفتوا

والله مجرد تصادف وغير كده احنا اللي بنصدق بمزاجنا
انتي بتقولي انك اللي قرأتي في برجك هو اللي حصل من عوده حب قديم
انتي شخصيا اللي هتجوابي علي نفسك
انتي اللي مشيتي الأحداث والأمور حسب رغبتك الشخصيه
مش اكتر
شوفي خظك انهرده في اكتر من مكان وموقع وتلاقي ان الأمور اختلفت
جربي

حضرتك لو عرفت ان الحب القديم ده بقالي كام سنه ناسيه وازاي الصدفه تجمع بيني وبينه في اليوم ده بالذات اللي كلامه منطبق على الحظ ليه انطبقت عليها بالضبط في اليوم ده وهو اصلا معنديش غير الحب القديم ده ورجع تاني وفي نفس اليوم اللي انكتب فيه الحظ معنديش حتى حبين لا ده هو حب واحد علشان كده الموضوع محيرني لانها حصلت بالضبط في نفس اليوم

شوفي يا بنوته
حظ برج الحمل مثلا في اكتر من موقع وهنلاقي الكلام متناقض تماما

http://www.arabhaz.com/Horoscope/signs/Daily/

21 آذار - 20 نيسان

الثلاثاء 11 ك2 2011
الحمل
يزول الالتباس وسوء التفاهم تتسارع الخطوات والزيارات والاتصالات عبر عن
ارائك ولا تضعف انه يوم مناسب لاتخاذ القرار او لادخال اي جديد على حياتك
العملية والشخصية.

http://7adok.blogspot.com/

الحمل
مهنيا:ان كنت غير قادر على اداء مهامك بأكمل وجه عليك ان تسلم القيادة لغيرك عاطفيا:احذر من الثرثرات لتى تثار حول علاقتك مع من تحب.

كل انسان بقي بيحاول يختار اللي يمشي معاه ويطبقه علي نفسه
ويعيش الوهم ويصدق

بصراحه في دي انت ليك حق بس يمكن في مواقع بتقول كلام صدفه وفي اللي بيقولوا بجد ولا ايه

طيب ليه منقولش انهم هم اللي بيكتوا صدفه وكلام عام جدا
يصيب ويخيب كلام عام بيحصل لآي حد في اي وقت
الغيب بأيد ربنا سبحانه وتعالي
لازم ده يكون يقينك

بصراحه عندك حق شكرا انك ساعتني يا مستر

ميرررسي اوي

بليز في موضوع للنقاش ممكن تدخلوا

بليز في موضوع للنقاش ممكن تدخلوا :: تعاليق

بليز في موضوع للنقاش ممكن تدخلوا

مواضيع مماثلة

مواضيع مماثلة