مدرسة بيلا الاعدادية بنات
مرحبا بالزائر نرجوا ان تقضى وقت ممتع معنا فى المنتدى ونرجوا ان تصبح عضوا فاعلا فى المستقبل

مدرسة بيلا الاعدادية بنات

منتدى تعليمى تربوى يعمل على ربط المدرسة بالتلاميذ واولياء الامور داخل وخارج المدرسة
 
الرئيسيةمدرسة بيلا الاعالتسجيلدخول

شاطر | 
 

 أرضي الطاهره ...... هتعيش حره

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mr .Ashraf
مدير متميز


ذكر
عدد الرسائل : 6707
العمر : 47
الموقع : بلاد الله الواسعة
تاريخ التسجيل : 02/12/2008

11032011
مُساهمةأرضي الطاهره ...... هتعيش حره





مـصـر أمـانـه عــلـيـنا يا عم

لازم علي حبها نتلم

هنغيرها ........ و نحررها

و هنفديها بالروح و الدم

مـصـر أمـانـه عــلـيـنا يا شيخنا

و ما تفتيش بكلام يشرخنا

و هنتجدد ........ و هنتوحد

و نسامح و نداوي جروحنا

يا مـصـر أمـانـه عــلـيـنا أبونا

دمعنا فيك و دموعك فينا

إيدي ف إيدك عيدي دى عيدك

و مفيش حد هيجني علينا

مـصـر أمـانـه عــلـيـنا يا حسني

لا إنت شاريني و لا إنت وارثني

ولكن أنت سرقنى

أرضي الطاهره ...... هتعيش حره

و إيماني و عدلي هيحرصني

مـصـر أمـانـه عــلـيـنايا أبني

عايزك تعلي و تغلي و تبني

و تعمرها ......... و تخضرها

و محدش بِقواك يغلبني

مـصـر أمـانـه عــلـيـنا يا خالي

ميهمكش إن الجيب خالي

و اللي ناهبها ...... بكره يسيبها

و هنوصل للحلم الغالي

مـصـر أمـانـه عــلـيـنا يا أمي

أدعي لي يزول همي و غمي

و نكون أمه ...... عدل و حكمه

و أمان و كمال من غير ظلمي

مـصـر أمـانـه عــلـيـنا يا خاله

بكره تروق و هتحلي الحاله

نبني آمالنا ......... عشان أجيالنا

يطلعوا ذوق و كمان رجاله

مـصـر أمـانـه عــلـيـنا يا عامل

إديها بعزم دي تستاهل

بكره تجيلك ......... و تغنيلك

تديك حقك كله الكامل

مـصـر أمـانـه عــلـيـنا يا كاتب

قوّي الهمّه و بالخير عاتب

و ماتشتمشي ........ و لا تهمششي

و ماتذكرش بسوء الغايب

مـصـر أمـانـه عــلـيـنا يا طبيب

داوي الجرح دي جرحي صعيب

دي ولاد أرضك ...... حاربوا لخاطرك

خليك دوا ليهم و حبيب

مـصـر أمـانـه عــلـيـنا يا يا شباب

ياللي كتبتوا عليها كتاب

مهرها دمك ........... حبها همك

عشقها ليك عمره ما يوم شاب

مـصـر أمـانـه عــلـيـنا يا جده

شفتي إذاي أنا قدّ الشدّه

دي أنا بسندها ........ بمسك إيدها

لو تنطفي بالروح راح أقيدها

مـصـر أمـانـه عــلـيـنا يا حبيبتي

فيها مزارعي و أرضي و نبتي

نتعب حبه .......... لجل ما تصبي

علشان أمي و أبويا و بنتي

مـصـر أمـانـه عــلـيـنا يا جاري

ياللي عاشقها و دايما شاري

جرحك علّم .......... و لا متكلم

دايما تخفي الآه و تداري

مـصـر أمـانـه عــلـيـنا يا عالم

سلم لنا و تعالي مسالم

فينا إتحكم ............ علي و علم

و إرسم لنا مستقبل حالم

مـصـر أمـانـه عــلـيـنا يا أفندي

زي ما عندك شغل أنا عندي

و مفيش رشوه .......... و لا فيه قوه

كده بالذوق لبلادك إدي

مـصـر أمـانـه عــلـيـنا يا بنتي

ياللي يشوف جواكي مدينتي

إنتي الحره ....... و إنتي الدره

و إنتي سنين الصبا و مرايتي

مـصـر أمـانـه عــلـيـنا يا ساسه

مش محتاج لِحماها دراسه

مصر عمادك ......... و لأولادك

حبها عهد و نور و وراثه

مـصـر أمـانـه عــلـيـنا يا سيد

بكره بكل الخير راح تولد

قدرك فيها ........... صونها إحميها

يوم ما تعجز ليك راح تسند

مـصـر أمـانـه عــلـيـنا يا وطني

ماتسيبش الدود يرعي ف قطني

عندي أراضي ..... تخليك راضي

عندي النيل و شباب راح يجني

مـصـر أمـانـه عــلـيـنا ياأخونا

مش محتاجه من حد ماعونه

كل ولادها ........... هما وتدها

بدعاوي الأجداد مأمونه

مـصـر أمـانـه عــلـيـنا يا ريس

شعبك جدّ و مش بيهيس

لا بيتسلي ......... و لا بيتحلي

شعبك دي ديموقراطي و كويس

مـصـر أمـانـه عــلـيـنا يا يا شوبير

مهياش كوره ولا فوازير

بس بعزمك ......... تكسر خصمك

مش بالكدب و لا التزوير

مـصـر أمـانـه عــلـيـنا يا مواطن

آمن لها أصلها تتآمن

روح صحاريها و خضّر فيها

تطرح خير و عمار و مداين

مـصـر أمـانـه عــلـيـنا يا ملطى

أنت وعبد المجيد

صبح و ليل لبلادي أنا بدعي

يحميك ليها ........ و تفخر بيها

و نشوف فيها الأيام وردي

مـصـر أمـانـه عــلـيـنا يا زويل

عايزين علمك لينا يميل

و إحنا أهوه .......... عقل و قوه

نعلي و علمنا يبقي دليل

مـصـر أمـانـه عــلـيـنا يا أسطي

ماتقوليش كده كله ألسطه

إنت بتمشي .......... و أنا مابنامشي

بوظت لي بدال الشيء سته

مـصـر أمـانـه عــلـيـنا يا يا مذيع

ماتقوليش أنا عايز أبيع

مش من سِمك ....... تِعلي بإسمك

ماتخليش الباقي يضيع

مـصـر أمـانـه عــلـيـنا يا أوباما

و مسامحينك و بلا ملامه

و ف مصلحتك ........... راحتي و راحتك

و لازم نتعاون بكرامه

مـصـر أمـانـه عــلـيـنا يا صحفي

أوعي ف يوم تنكرها و تخفي

حقها عندك ......... تفضل أملك

تعلي عليها و ليها توفي

مـصـر أمـانـه عــلـيـنا يا كاتب

غير الغنا ياما فينا مواهب

عيش جواها ........... و شدّ حماها

خلّي ولادها تشوف و تواكب

مـصـر أمـانـه عــلـيـنا يا حكومه

شفتوا إذاع مش نافعه الشومه

بالحريه ........... مصر آبيه

مصر الحاكمه و مش محكومه

مـصـر أمـانـه عــلـيـنا يا مرور

ساوي طريقها و حط النور

زود شارع ........ إيه المانع

و كفايه ضبط و قبض و زور


مـصـر أمـانـه عــلـيـنا بجدّ

لينا كلّنا مش ملك لحدّ

و اللي إمبارح ..... كان بيناطح

خليه ينطح راح يتهدّ


_________________
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

أرضي الطاهره ...... هتعيش حره :: تعاليق

رد: أرضي الطاهره ...... هتعيش حره
مُساهمة في الجمعة مارس 11, 2011 10:40 am من طرف ElM3daWyY
شكرا يا مستر بجد حلو كتير واحنا كلنا طبعا من غير فخر ولا حاجه احنا مصريين للأبد
 

أرضي الطاهره ...... هتعيش حره

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة بيلا الاعدادية بنات :: المنتدى العام :: منتدى استقبال الموضوعات العامة-
انتقل الى: