ايه مدى اهمية الام فى الحياة

السلام عليكم ورحمة الله وبركاته ..
عيد الام قرب .. ربنا يخلينا امهاتنا يارب وجميع امهات المسلمين والي غير مسلمين ..
بصراحه انا وخواتي زمان عمرنا ما عملنا عيد الام لامي .. وكمان عمرنا ما قدمنا ليها هديه في عيد الام ..
وطبعا كل ده علشان احنا ما تعودناش خالص نقدم كل ده وما كناش اصلا عارفين متى يوم عيد الام ..
واحنا كنا من النوع الي مش بنبوسها ولا بنحضنها ولا اي حاجه من دي علشان هيه كمان ما كنتش بتحسسنا بكدا ..
يعني ( فاقد الشي لا يعطيه )
وكان كل اهتمانا لابونا بس .. لو غاب يوم بحاله بس بنفضل نستناه جمب الباب لحد ما يرجع ياخدنا بالحضن وبيبوسنا ويطبطب علينا .. كان يشلنا بدور كل واحد لفه .. يشيلنا على رقبته ويلففنا البيت كله ... او ممكن يعمل زي الحصان كدا ويقعدنا على ضهره ويلففنا برضو البيت كله .. كان كل واحد ياخده لفه
ولو بابا يغيب يومين عن البيت بجد نفضل نسال عليه ماما كل شويه .. ولو عيطنا واحنا بنسال عليه .. كانت ماما تضربنا وتزعق لنا وتغلط فينا .. يعني ما كانتش بتقولنا معلش ما تعيطوش بابا رايح مشوار وجاي .. لا كانت بتزعق لنا وتضربنا .. مع انها هيه بتموووت في حاجه اسمها بابا بتحبه جدا جدا ..

لحد ما بابا الله يسامحه ضرب الخيانه فينا كلنا من ماما وكل خواتي هههههههه
وتجوز واحده تانيه ما نعرفش جابها منين .. لقينا في يوم مشي وساب البيت وبعد يومين عرفنا ان هو تجوز وكان عامل فرح كبيرر كمان .. وكمان منع نفسه عننا تماما .. كان بيجي في الاسبوع مرتين يقعد عشر دقايق او نص ساعه ويمشي .. يعني بقى زي ضيف تماما .. وطول ما هو قاعد مراته تفضل تتصل بيه وتقوله مش كفايا بقى .. انا قاعده لوحدي وانته قاعد هناك .. وامي كانت ومع ده بتحبه اووي وكانت بتقوله انا بكره هعملك ملوخيه على الغدا هستناك .. كان بيقولها طيب انا بكره هجيبلك لحمه وعملينا الملوخيه .. ماما كانت من الصبح بتتصل بيه بتقوله هتجيب اللحمه المتى .. يقولها يلا انا جاي .. وتفضل تستنى تستنى .. ولما بتتصل بيه ما بيردش .. وبعدين بقى هو بيتصل وبيقول مثلا ليه انا معلش ما قدرتش اجاي انهرده حصل ظرف .. واحنا طبعا عارفين ان مراته منعته انه يجي عندنا وحرمته مننا مع ان هو بيموت في قعدتنا ولمتنا وبيفضل يلعب مع اولاد خواتي واولاد اخويه .. طبعا وفي الاخر وبعد كل الحب من امي لابويه فضل 30 سنه .. في الاخر بابا طلقها .. وطلقها من غير سبب .. وطلقها غيابي كمان ومن غير ما تعرف .. بس هنقول ايه الله واعلم ممكن يكون مسحور .. حسبي الله ونعم الوكيل في كل واحده تدخل حياة راجل متجوز وتبوظ عليه حياته وتاخده من مراته ومن عياله .. مع ان والله والله كانت تقصر في حقنا احنا .. بس عمرها ما قصرت في حق بابا .. الاكل الي بابا ياكلو ويحبو بس الي تعملو .. حتى لو احنا مش بناكله .. والراحه والهدوء واضحك والهزار ودلع وضحكه والابتسامه والعصبيه وطيبة القلب والحنيه اللبس والحناء على الشعر ديما والبرفان ونضافه والعقل والهبل .. كان كله في امي بتديه لابويه .. ما قصرتش في حقه خاالص .. وانا واحده من بناتها وبشهد ..
ولحد دلوقتي بتفكر في بابا .. لدرجة انها جابت خط تاني وموبايلي تاني .. بس علشان تتصل في بابا وتسمع صوته لدقيقه وفي الاخر بتقفل

المهم بقى هنا عرفنا قيمة امنا حبيبتنا روح قلبنا بجد انا نفسي اقدم لها عمري كله ليها 3 عمر تاني ليها تفضل عايشه بصحتها وبعافيتها معنا وفي وسطينا ونفرح بعيد امنا مليووووون سنه يارب
علشان دلوقتي عرفت ان امنا ممكن تسيب الدنيا كلها بس ما تسبناش احنا .. تسيب العالم كله علشان خاطرنا
دلوقتي عرفنا ايه يعني ام .. مهما كانت قاسيه مهما كانت عصبيه مهما كانت بتضرب او بتشتم ما كناش حاسين بالحنان الي فيها الى بعد ما بابا مشي وسابنا .. يااه والله العظيم حنان كبيرررررررررررر اكبر من الدنيا دي كلها ..
لما حد من صحابها يهزر معاها ويقولها انتي لسه صغيره تجوزي وعيشي حياتك تاني.. تفضل تقوول التجوز ده ايه .. وولادي يزعلو مني .. يبقى ابوهم يسيبهم وانا كمان اسيبهم .. لا ابدا انا السيب اهلي كلهم ولا اسيب عيالي .. ده هما نور عنيه الي بشوف فيها .. وانا طبعا هتكلم عن نفسي وعلى ما اعتقد ان ده شعور كل خواتي .. بجد من جوايا بعيط على كل لحظه زمان انا زعلت فيها امي .. وسبتها وجريت عند عماتي وعمامي وبقولهم ماما عصبيه وبتضربني انا هقرب اكرهها .. وعمامي ويفضلو يضحكو ويترياو بقى .. علشان ما احدش فيهم كان بيحب امي .. دلوقتي بعد ما بابا سابنا ما احدش فيهم بيفكر يرفع السماعه ويطمن علينا .. يعني الكل تخلى عننا بعد بابا ..
ما بقاش حد لينا غير امي حبيبتى .. الي استحاله احنا كمان نسيبها ..
دلوقتي من اربع سنين من ساعة ما بابا تجوز وسابنا .. واحنا عندنا عيد الام ده يوم كبير .. بنقعد نجهز فيه قبلها بشهر .. وكل واحده فينا بتقعد تحلم هتجيب هديه ايه .. هنعمل اكل ايه هنجهز ايه .. وطبعا مش بس في عيد الام .. حبنا لامنا وعطائنا كل يوم .. كل يوم بتكبر في قلبنا اكتر واكتر .. من نفسنا ساعات كدا بنعملها مفاجات وحركات نفرحها ..
علشان كدا يا بنات يلي كل واحده بتدخل وبتكتب قصه عن امها .. فبقولها .. امك هتبان بجد وقت الشده ... وقت ما تلاقي كل الدنيا سابتك .. وتخلت عنك .. حتى اقرب الناس ليكي سابتك ابوكي اخوكي جوزك .. ساعتها هتبصي هتلاقي امك بس الي فتحالك حضنها وتقولك تعالي .. مش هتلاقي حضن زي حضن امك .. مش هتلاقي حد يتسحملك قد امك .. استحملت ولادتك 9 اشهر وغير تعب الولاده وسهر وتربيه .. كل ده كفايا انك تعرفي قد ايه هيه بتحبك .. لو مش بتحبك ما كنتش خلفتك ولا كانت سهرتلك .. كانت من الاول رميتك ..

خليكي جمب امك .. استحملى منها اي حااجه تيجي منها .. بكره هتعرفي قيمتها .. ومش هتلاقي حضن في دنيا اجمل واحن من قلب امك ..

مـــــــــرســــــــى كتير توبيك اكثر من راااااائع

علشان كدا يا بنات يلي كل واحده بتدخل وبتكتب قصه عن امها .. فبقولها .. امك هتبان بجد وقت الشده ... وقت ما تلاقي كل الدنيا سابتك .. وتخلت عنك .. حتى اقرب الناس ليكي سابتك ابوكي اخوكي جوزك .. ساعتها هتبصي هتلاقي امك بس الي فتحالك حضنها وتقولك تعالي .. مش هتلاقي حضن زي حضن امك .. مش هتلاقي حد يتسحملك قد امك .. استحملت ولادتك 9 اشهر وغير تعب الولاده وسهر وتربيه .. كل ده كفايا انك تعرفي قد ايه هيه بتحبك .. لو مش بتحبك ما كنتش خلفتك ولا كانت سهرتلك .. كانت من الاول رميتك ..

خليكي جمب امك .. استحملى منها اي حااجه تيجي منها .. بكره هتعرفي قيمتها .. ومش هتلاقي حضن في دنيا اجمل واحن من قلب امك ..

بجد تجربة صعبة وربنا يعينك وأنا استفدت منها كتير وشكرا لكِ انك خلتينا نشاركك فى قصتك

شكراااااااا اووووووووووووووى ياجماعة بس يارب يكون عجبكم

ايه مدى اهمية الام فى الحياة

ايه مدى اهمية الام فى الحياة :: تعاليق

ايه مدى اهمية الام فى الحياة

مواضيع مماثلة

مواضيع مماثلة