الجمله دى


بتقولها ست مش كويسه لعادل امام بعد ما تكتشف انه ساكن

جنب السفارة

الاسرائيليه ف فيلم السفاره ف العماره

و بتتهمه انه خاين و جاسوس و بترميله الفلوس ف وشه

طب و اللى مش ساكن جنبهم لا ساكن عندهم و متجوز منهم

الخبر اللى قريته امبارح بيقول


الاداريه العليا تؤيد اسقاط الجنسيه عن


المصريين المتزوجين باسرائيليات


و قال ايه يا

ولاد اللى رافع القضيه استاذ نبيه الوحش و اخد حكم ف سنه

2009 باسقاط جنسيه

المصريين المتزوجين من اسرائيليات بيقول انهم

30 الف مصرى

10% بس متزوجين من عرب 48 و الباقين من يهوديات صهيونيات

بس وزارتى الداخليه و الخارجيه طعنتا ف الحكم



امبارح ف الحياه اليوم استضافوا استاذ نبيه الوحش

و استاذه هاله فؤاد الصحفيه و اللى قبل كده عملت كتاب عن الظاهره

دى

و كان معاهم من خلال الاقمار الصناعيه اتنين مصريين متزوجين من

سيدات من

عرب 48

الاستاذ نبيه بيقول ان الحكم ده للمصريين المتزوجين من يهوديات

اسرائيليات

و لو فيه اى مشاكل حول بعض الزوجات من عرب 48 هيتم التحقق منهم

الحكم فى حيثياته


إنَّ زواج مصريين


و"إسرائيليات" أصبح "ظاهرة يعلمها الجميع، ومجلس الوزراء يجب أن

يُوَفِّقَ

بين حرية الفرد وصون الأمن القومي


يعنى معنى كده اننا متخوفين من التجسس لصالح اسرائيل ؟

هى مش دى دوله عاملين معاها اتفاقيه سلام و المفروض ان بتجمعنا

علاقات

اقتصاديه زى تصدير الغاز و الكويز وووو

و لا ايه معنى صون الامن القومى؟؟

الاستاذ نبيه الوحش بيقول ان قانون الجنسيه المصرى يحذر من الزواج

بشخص

يعتبر صهيونيا

و الخبر بيقول ان فيه مصريين بالفعل تجنسوا كمان بالجنسيه الاسرائيليه

و

دول سقطت عنهم الجنسيه


و الديانه اليهوديه بتخلى الابناء تابعين للام بالتالى بياخدوا الجنسيه


الاسرائيليه توماتيكى توماتيكى



و جه اليوم فعلا اللى المصرى بقى ابن عم الاسرائيلى





و حتى لو اسقطت الجنسيه مش ممكن ييجوا يزوروا اهل ابوهم هنا ؟؟


و لو عاوزين يتجسسوا و لا يجندوا ناس مش هيقدروا؟؟

فى مشهد من فيلم عايز حقى هانى رمزى بيتكلم مع عبد المنعم مدبولى


و اللى

بيقول له بيع ياعواد


يا ترى المصرى المتزوج من اسرائيليه صهيونيه مش من عرب 48 ده باع


ارضه؟


يستاهل انه تسقط جنسيته المصريه ؟؟

و يا ترى السلام بيننا و بين اسرائيل ده مجرد حبر على ورق؟

حتى القضاء المصرى مش معترف اننا فى سلام و شايف ان زواج

المصريين من

الاسرائيليات خطر ع الامن القومى؟؟






امبارح ف لقاء

الحياه اليوم مع المصريين المتزوجين من عرب 48 حسيت

نبره تحامل و لوم انهم

تزوجوهم

لدرجه ان شريف عامر سال احدهم و قال له يعنى وجودك ف اسرائيل

عمل ايه

للقضيه الفلسطينيه؟؟

و شايف ايه الفايده المرجوه من وجودكو ف اسرائيل ؟؟

طبعا الراجل رد و هو مستفز بفتح الفاء

يعنى عملتوا ايه انتوا للقضيه الفلسطينيه؟؟؟

يا ترى حتى زواجهم من فلسطينيات من عرب 48 خطوه مش صح؟

ياترى ولادهم الى هيحملوا الجنسيه الاسرائيليه هيحسوا بايه؟هينتموا

لفين؟؟؟

و هل كان من الافضل ان عرب 48 يتزوجوا فقط من فلسطينيين زيهم؟

مش عارفه صراحه

مليون تساؤل الخبر ده بيحمله

ايه اللى ودا الشباب هناك

للدرجادى اللى اتجوزوا منهم صهيونيات نسيوا دم الشهدا

بعد 20 سنه هيكون وضع ولادهم و انتماءهم لمين

هل من حقهم الاحتفاظ بالجنسيه لو تمسكوا بيها؟؟؟

طب و اشمعنى اللى اتجوز اسرائيليه ما كنا محتلين من انجليز و

فرنساويين ؟؟

اومال معاهده السلام و الناس اللى رايحه جايه دى ايه؟؟؟

و ليه متمنعوش اصلا من السفر؟؟

طب و اللى يتجوز يهوديه مثلا اهلها اسرائيليين ده مش مشكله؟؟

هى مش ممكن تهاجر ف يوم من الايام و تتجنس هى و ولادها؟؟؟

افتح الباب للتعليق بالشكل اللى كل واحد يحبه

صراحه صعب فعلا تحديد سؤال نقاشى محدد