كلنـــــــــا خــــــــالـــــد !؟

خالد محمد السعيد
أسكندرانى
28 سنة
والده متوفى من و هو عنده 5 سنين
والدته ربة منزل كبيرة فى السن
عنده أخت كبيرة متجوزة و عايشة فى القاهرة
أسمها زهراء
و أخ أكبر ب15 سنة أسمه أحمد و عايش فى أمريكا و معه الجنسية الامريكية
ساكن فى كليوباترا
مخلص ثانوية عامة
و مدخلش جامعة
بس كان مهتم بالمزيكا و الاجهزة و الكمبيوتر
و صاحب مكتب استيراد و تصدير
كان قاعد في سايبر في وقت متاخر بالليل
و دخل بتوع المباحث بيفتشو كل اللي قاعدين باستخدام قانون الطوارئ..
خالد اعترض و قال احنا بنتفتش ليه

كان تمن السؤال البرئ ده ان اتنين مخبرين مسكوه و نزلو في ضرب في المحل و في الشارع و في مدخل عماره جنب السايبر قعدو يرزعو وشه في الرخام بتاع السلم و في مدخل العماره الحديد
و خدو جثته و حطوها في البوكس و بعد 15 دقيقه رجعو رموها ف الشارع و مشيو
كل واحد فينا ممكن يكون خالد
حنسكت ؟
___________

تحديث

أهل خالد وا صحابه والناشطين عملوا أعتصام 12 مساء الخميس 10\6 أمام قسم سيدى جابر
بوجود صحافة و مصورين

و أصدر مأمور القسم بتصريح من الداخليه أمر بضرب و أعتقال كل المعتصمين
و ملمومين كلهم دلوقتى فى قسم سيدي جابر
و من ضمنهم صحافيه شابة و مصور شاب و محامي أتضربوا و كسروا الكاميرات و حبسينهم

أسماء من قاموا بالإعتداء على خالد وقتله

المخبرين : عوض و محمود الفلاح

و ضابط المباحث : أحمد عثمان

من قسم سيدي جابر بالأسكندرية

أهل خالد مش ساكتين و مش هيسكتوا على حقه

___________

كلنـــــــــا خــــــــالـــــد !؟ Captur0e

الصورة لخالد وهو يداعب الحياه قبل أن يفارقها

بأي ذنب قتلوك يا خالد

خالد قبل أن يدخل إلى قسم الشرطة

خالد بعد التعذيب

خالد بعد خروجه من القسم

كل جريمة خالد أنه سأل أحد ضباط الشرطة عندما أراد تفتيشه وقال له انت ليه بتفتشني ؟

فتم أقتياده الى القسم وجرى ما جرى

خالد محمد سعيد شاب في مقتبل العمر تم تعذيبه حتى الموت داخل أحد أقسام الشرطة بمحافظة الإسكندرية

ماذا فعل هذا الشاب حتى يتم تعذيبه حتى الموت بهذه الصورة البشعه
وأي حيوان في صورة بشر قام بتعذيبة

لنفترض ان خالد دا ابن ستين في سبعين
ومجرم
مع ان دا محصلش

خالد كله ذنبه
انه سأل ضابط الشرطه وهو بيفتشه انت ليه بتفتشني
فضربه وخده ع القسم واتعملة عليه حفلة تعذيب لحد ما مات

لنفترض بقى انه حرامي
ولا اي حاجه

هل دا يدي الحق لأي ضابط حيوان متنكر في شكل إنسان انه يعذبه بالشكل دا لحد ما يموت

اللي نفسه أفمه ايه هو مبرر الظابط ؟؟؟ يعني كتب ايه في المحضر مش فاهم ؟
كتب ان المواطن ضرب نفسه ؟؟؟
كتب ان جت له أزمة قلبية
ده فجر علني ، مين فاجر ابن فاجر ولا فاجره عمل كده ؟؟؟ انا اعرف ان الضرب عشان ماحدش يمسك حاجة ع الظابط بيكون مؤلم آه بس مش بيسيب أثر ، انما ده مش ضرب دي وحشية ، ده وقع في ايد واحد سادي مجنون ، حد يرد عليا ابوس ايديكم ، الظابط ده لسة بيشتغل ؟؟؟؟ وبرر اللي عمله إزاي ؟؟؟؟؟؟؟؟؟؟
ماحدش يقوللي عيني عينك كده ، مستحيل ، أصلها مالهاش حل ولا ينفع فيها لعب ولا تزوير ، ايه يعني ؟ قال إن فيه قطر دخل القسم وعمل فيه كده ؟؟؟؟ ايه يعني ؟ قال ان قبلة انفجرت في القسم ؟؟؟؟ ياريت الي عند تفاصيل أكتر واسم الحيوان اللي عمل كده يققولنا

في أي بلد محترم كان يجب على الفور أن تستقيل كل الحكومة
وأن تتم محاكمة المسؤلين عن هذه الجريمة النكراء
وعلى رأسهم وزير الداخلية حبيب العادلي
وأن تكون محاكمة الوزير والمسؤلين علنية أمام الشعب
وأن يلقوا أشد العقاب

ماذا تريد هذه الحكومة من مصر وشعبها
هل هانت كرامتنا عليهم الى هذا الحد

جريمة مقتل الشاب خالد محمد سعيد لا يجب أن تمر مرور الكرام
يجب أن يستقيل المجرم حبيب العادلي وزير الداخليه على الفور بعد جريمة مقتل الشاب خالد محمد سعيد نتيجة تعذيبة بوحشية داخل أحد أقسم الشرطة بالأسكندرية وأن يقدم هو والمسؤليين عن هذه الجريمة الى محاكمة علنية يحضرها الشعب

الناس مستغربش قوي كده من صور خالد والبشاعة الي فيها
كل شويه حد يقولك انتم متأكدين ان دي صوره؟!
ولانتم لحقتم برضه تنسوا صور طفل شها 12 سنه الي كانت في 2007 بالمنصورة
الي حصله زي كده واكتر برضه
في قسم الشرطه لو نسيتم أفكركم
شوفوا صورة الطفل اهي

حسبنا الله ونعم الوكيل كل ده عشان قال انا اتفتش ليه

يا نهار ابيض

البلد دى مافبهاش عدل

فين ايام الرسول

هيفيد بأيه الكلام

ربنا يدخلك الجنه يا خالد يارب

انا عايز اسمع سلام مربع للديمقراطيه
وقانون الطارئ والأرهاب
يعني عشان خاطر الناس اللي حضره ومولعه البلد

مقدرش اقول غير

انت اكيد فى مصر

حسبى الله ونعم الوكيل

للأسف يا دكتوره ان ده مش في مصر بس
ده موجود برده في جميع الدول العربيه كلها ده ناتج عن حب السلطه اللي عملت من البلاد العربيه ملكيه خاصه وبالتالي حراسه هذا الجاه والسلطان من الضياع من خلال العنف والشده وكلاب السلطان اللي بينهشوه لحم اي حد يحاول انه يبص للسلطان
دم ينطبق عليهم قول الله تعالي
وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ
هما شايفين ان كده هم صح وان هم شايفين الرؤه الحكيمه
ربنا معانا

والله عندك حق ربنا يستر علينا فى الايام الجاية

ايوة والله يا جماعه اللى ماتوا ارتاحوا لأن احنا فى زمن ما يعلم بيه

الا ربنــــــــــا ومصر اصبحت دوله غير عادلة

ومش هنقول غير حبنا الله ونعم الوكيل

مرسى كتير ع المرور والتشريف ليـــــا

شكـــــــرا

لا حول ولا قوة الا بالله

ربنا يرحمه

حسبنا الله ونعم الوكيل

بجد مصر بقت دوله مفتريه

وال ايه الديمقراطيه

هههههههههههه

ديمقراطية مىن يا ندى احنا مصـــــــر

يعنى مافيش حاجه اسمهــــــا عدل او ديكقراطية

شكرا ع المرور يا جماعه وبجد ربنا يرحمه

ليه ده يموت

ده بجد حرام والله حرام

اومال لو كان قال للظابط مش هتفتش
كان عمل ايه اكتر من كده

بجد حسبى الله ونعم الوكيل

،،،،،،،،

وربنا يرحمه

وتوقيعك ده يانور هوا الحل

كلنـــــــــا خــــــــالـــــد !؟ Image

كلنـــــــــا خــــــــالـــــد !؟ Image

فعلا والله يا رورو

حسبنــــــــــــــا الله ونعم الوكيل

فعلا امال لو كان قال حاجه تانية

أحب أن أعلق على المهندس أحمد ويقارن بين تعليقاته على موضوعى

إزاى تعرف المصرى لما قولت أن ده موجود فى فيلم اللمبى

وتعليقاته على موضوع خالد

الفرق بينا وبين بلد زي الهند

لو
حضرتك شاهدت اي فيلم هندي هتعجب من جمال الهند ومدي عظمه مبانيها وجمال
شوارعها وخلق اهلها ولكن ذلك مخالف تماما للواقع فالهند بلد فقير ينتشر
فيها مقالب القمامه والمناطق النائيه
ولكن لصدق حبهم لبلدهم دائما
يحاولون ان تظهر بلدهم في اجمل حال ولا يرضون بغير ذلك
اما نحن فهانت
علينا بلدنا
انا شايف ان مصر من اعظم بلاد العالم من مثلها ذكر في
القران
من مثلها في رجالها وشعبها الذين امتدحهم رسولنا صلي الله عليه
وسلم
من مثلها في جمال شعبها حيث قال فيهم الرسول الكريم انهم في رباط
الي يوم الدين
المصري راجل في وقت واي شده لو معاه 5جنيه بيعيش ولو معاه
100جنيه بيعيش ولو معاه اقل ولا اكتر بيعيش
دا اذا دل دل علي شعب عظيم
يعرف يواجه ويعيش وكمان شعب بيحمد ربنا علي كل حال
شعب برغم بساطه راضي
ومعروف بأبتسامته حتي في اصعب الأوقات
المصري مش بينام وجاره في ازمه
المصري
بيعمل الواجب من غير اي كلام
بنظره بسيطه علي ميتم ولا فرح في اي شارع
الكل بيشارك
دا رأي المصري المصري
ممكن النفوس تتغير بس المصري الصح
معروف زي علم بلده
مش محتاج حد يوصفه

طبيعى جدا ان الشرطة تالف اى تهمة لاى انسان والاحراز

اكيد موجودة فى ادراج

الباشوات طبعا

وليه اساسا الطوارىء بقالها اكتر من 29 سنة

طبعا الاسباب معروفة

وعلى فكرة مفيش اى حادثة بتحصل الا لازم يكون فيها جانى سواء

ده جانى فعلا

ولا حظه كده فى موسم تقفيل القضايا المعروف

عشان ترقيات الناس الطيبة جدا

اللى شغالة فى الشرطة

اللى مش فى خدمة الشعب طبعا

وليه برضه بيسيبوا البلطجية والحرامية فى كل حى يسرقوا ويعملوا

ما بدا لهم

اساسا اكيد عشان شغالين مخبرين عند الباشوات

هى دى فعلاً مصر يا بشمهندس أحمد ولا عندك رأى آخر

شباب زى الورد يغتالوا على يد الشرطة

والصورة خير دليل والأخر يقولوا الصورة بعد التشريح

يا ناس الشهيد تم ضربه وسحقه برخام السلم طيب التشريح ليه يكسر أسنانه

هل عشان يخرج كيس المخدرات ولا يفتحوا بطنه كى

يخرجوا الكيس كما إدعوا عاوز واحد يكون مجنون مثلى ويجاوب على هذا السؤال

انا شايفه اللى بيعملوه دا استخفاف بالعقول

هما عارفين كويس ان الموضوع واضح انه ضرب افضى لموت بس اديهم

هيقولوا اهم

هيعملوا الموال المعهود وبعدين الناس هتنسى كالعاده

ياريت الناس تفضل كده

ومتمسكه بموقفها لحد ما ناخد القصاص عشان

انا متخيله ان دا كان ممكن يكون

اخويا او حد من قريايبى عشان خالد دا بيمثل كل واح فينا

وسلملى على اليمقراطية يا بشمهندس أحمد

اولا يا أستاذ/اشرف انا لما اتكلمت وانت شايف كلامي كويس
انا امتدحت شعبها اللي حضرتك بتتريق عليهم ولم امتدح حكومتها وسلطينها
امتدحت عقول شبابها وشعبها
وقولت مصر من اعظم بلاد العالم بتاريخها وبذكرها في القران ولا عندك اعتراض في دي كمان
لكن انا علي علم اليقين بفساد حالها وبفساد هيئاتها ومؤسساتها
ولم اقل اننا عايشين في عصر الديمقراطيه ولم اطبل واصفق في طابور المؤيدين ولكن انا بنظر بحال الطبيب
اللي بيحاول يبعث الأمل علي نفس المريض ويحاول ان يجد له الدواء مش انه يشمت فيه
انا ليه رساله ومقتنع بيها ان الأمل في شباب البلد دي وبعمل اللي بقدر عليه عشان
اعرفهم قدر الدين والتمسك بيه وقدر العلم والمعرفه
لان اللي احنا فيه ده بعيد عنك بسبب الجهل والتخلف اللي بيورث الخوف
جهل بالحقوق والواجبات جهل بأساسيات الدين جهل بكافه الحقوق
واللي احنا فيه من ذل ومهانه المشترك فيه الشعب اللي زي حضرتك هما السبب فيه
جيل حضرتك واللي بعده واللي بعده عايشين وراضيين وساكتين ومذلولين وبتفرحوا بعلاوه او زياده جديده
وبتهللوا في زفه السلطان وراحت الحقوق وجه الدور علينا احنا بدفع التمن من موت شباب وانتحارهم
انا بحب البلد وبشفق علي شبابها وشعبها لكن مش من الضروري اني سعيد بحالها
زي ما حضرتك فهمت غلط مش معني اني مش بشتم وبلعن في ام البلد و حكامها زي حضرتك اني عميل او اني فرحان
لا بكاء القلب اعمق من بكاء العين
انا شاب وشايل هم جيلي واعلم بمشاكله من حضرتك لكن بحاول افكر في صمت واعرف انا اعمل ايه عشان خايف بدل ما اكون طوبه بتبني بلدي
اكون طوبه بتقسم ضهرها
اندفاع الشباب خطير عشان كده لازم يكون بحساب مش عايز حد يستغلني غلط في ضياع بلدي
عشان كده بفكر في صمت وبحاول افهم اللي بيجري حوليه
مش شرط اشتم والعن عشان كلامي يعجب حضرتك كل واحد وله نظرته وكل واحد وله فكره

وقولت مصر من اعظم بلاد العالم بتاريخها وبذكرها في القران ولا

عندك اعتراض

لان اللي احنا فيه ده بعيد عنك بسبب الجهل والتخلف اللي بيورث

الخوف

واللي احنا فيه من ذل ومهانه المشترك فيه الشعب اللي زي حضرتك هما

السبب فيه

جيل حضرتك واللي بعده واللي بعده عايشين وراضيين

وساكتين ومذلولين

وبتفرحوا بعلاوه او زياده جديده

وبتهللوا في زفه السلطان وراحت الحقوق

وجه الدور علينا

احنا بدفع التمن من موت شباب وانتحارهم

انا شاب وشايل هم جيلي واعلم بمشاكله من حضرتك

تشكر يا بشمهندس عل هذه الكلمات الجميلة

من شخص مهذب جداً الذى أعتبرة خير أبناء مصر وبيلا بالخصوص

وتشكر على نعتك لى بالجهل والتخلف وإنى لا أعرف بالقرآن وإعتراضى على

ما ذكره المولى فى كتابه بذكر مصر بخمس مرات بالقرآن

وأنت نعت جلنا بأنه السبب فى كل هذا ياريت تعرفنى

ما الذى نفعله فى بلدى كلها ديكتاتورية وليست ديمقراطية

الى بيحاول يصلح من حال البلد بعلمه يغتال من اليهود والأمريكان

ومكنش لها لازمة كلمة حضرتك اللى بتقولها فى كل كلمة كتبتها

بعد ما نعتنى بأفظع الكلمات ولك جزيل الشكر سيدى الفاضل المتعلم

على هذه الكلمات الجميلة

وهل سألت نفسك مرة واحدة ليه إحنا متغربين

وبتقول لما بيجى لنا علاوة بنصفق ونهلل وده طبعا فتات من دخل كبار الحرامية اللى نهبين البلد

وأنت لما ربنا يكرمك هتنتظر يجيلك علاوة كى تسد رمق وجوع أولادك

فبلاش سخرية وإستهزاء بنا أكثر من ذلك يا بشمهندس أحمد

وأنظر أنت للأطباء اللى زى ما بتقول بيحاولوا يبثوا روح الأمل فى المريض

وهل نظرت إلى الأطباء الجزارين الذين ينهشوا فى قوت الغلابة

وهل نظرت للوزراء وأصحاب النفوذ الذين يعالجون على نفقة الدول

كالوزراء والفنانيين والشعب الفقير الغلبان المسكين مش لاقى ثمن السرنجة

وهل نظرت للأطباء الذين يقومون بتصورين مرضاهم ويمارسون الجنس معهم

هل نظرت لعلماء مصر أين هم الأن الذين يحاولون بث روح الأمل لشعب مصر

وغيره وغيرة يا أخ أحمد

وأنا عارف إن الحقيقة دائماً بتكون مرة وعلقم

وياريت كنت تتريس فى ردك شوية يا أخ أحمد ونكون واقعيين

وشكرا لحضرتك على طريقة النقاش الجميلة بتاعته حضرتك

اللى نعتنى فيها بأبشع الألفاظ

ورينى أنت هتعمل أيه وأنت بتقول إنك شايل هم جيلك

وتعلم عنى بمشاكله

ورينى الحقوق والواجبات اللى أنت تعرفها أكثر منا

هتوفرها لشعبك إزاى لأننا سبب ذل جيلك كما أنت متصور

يا عم أحمد اللى قبلك عمل كتير وإتكلم كتير

والأخر كلامة كان فى الهواء

تعالى مع بعض أيد فى أيد نغير الواقع

ولكن مفتكرش هنقدر نغير حاجة فى مصر

الواقع صعب يا حاج أحمد والتغيير أصعب

ولك منى بعد هذه الإهانات أجمل المنى وأرق تحياتى

وأنا ممكن أرد على حضرتك بأسلوبك أيضاً

وأنت عارف إن مفيش إنسان يرضى أن يهان

وأنا لى لسان مثلك ويد أكتب بها مثلك

وأنت نعتنى وأهنتى أكثر من مرة

فهل ترضاها على نفسك

فأنا لا أرضاها على نفسى

لكن آدبى وإحترامى لمن هم أصغر منى ومن أكبر منى يمنعنى من ذلك

فإذا كانت هذه لغة الحوار والمناقشات السب والسخرية من حضرتك

فمن العيب أن تسبنى وتهنى على الملأ يا بشمهندس أحمد

فبلاش المنتدى خالص يا بشمهندس أحمد اللى هيزعلنا من بعض

وأوعدك إنى من الأن لن أدخل فى مناقشات معك ولا مع غيرك من اليوم

وبردوا مرة ثانية لك منى أجمل المنى وأرق تحياتى

للأسف يا أ/ اشرف دايما المشكله في الكلام معاك انك بتفهمي الكلام علي كيفك
انا لم اقصد الأهانه لحضرتك
انا قولت معني الجهل في كلامي ولم اتطرق لشخص حضرتك ولم انعتك بالجهل
وفعلا الذل والمهانه دي بسبب كل الأجيال اللي فاتت استنادا الي كلام الدكتور جمال حمدان

جمال حمدان في الجزء الثالث من كتابه شخصيه مصر
الديمقراطيه لا تمنح ولكن تنتزع لا تستجدي من الدكتاتور واٍنما تفرض عليه بقوه الوعي وفعل القوه وبيد الشعب نفسه
فاٍذا ذادت الدكتاتوريه والطغيان فأحنا السبب الشعب كله مسئول عن تفشي المرض دون علاجه

اتمني ان حضرتك تفهم كلامي انا مقولتش ان حضرتك جاهل
حضرتك اللي حساس شويه واخدت الكلام علي نفسك
الجهل والتخلف فعلا متفشي وبضراوه مش قصدي التعليم لا
كلام الدكتور جمال حمدان بيقول ان الديمقراطيه بتفرض من خلال الوعي فمعني ان الديكتاتوريه تنتشر وتتفاقم بالشكل ده
دليل علي انتشار التخلف والجهل اللي بيورثوا الخوف
وبملاحظه بسيطه تصديقا لكلامي ان اكتر اللي بيهاجموا الحكومه وعايزين يطوروا حمله العلم من كبار الصحفيين ومفكرين واساتذه الجامعات
اللي ضاقت بيهم المعتقلات لأن علي علم واللي يعرف العلم ويقدره بيعرف الحق وساعتها مش بيخاف
لكن الجهل بيورث الخوف وكمان مثال بسيط تأكيدا لصق نيتي
عسكري الأمن المركزي ميعرفش حاجه في الدنيا
نتيجه لجهله عنده كميه خوف من الرتبه اللي اعلي منه لدرجه الطاعه العمياء
اما المتعلم بيحاول يعمل الشئ اللي مقتنع بيه
اتمني انك تقدر كلامي وتعرف صدق نيتي وربنا وحده اللي يعلم انا لم اقصد حضرتك ابدا
وان كنت لسه مش مصدق انا تحت امرك عايزني اعتذر لحضرتك عايزني اسيب المنتدي كله انا تحت امرك
انا محبش حد يكون زعلان مني لأي سبب

خـــــــــلاص يا جماعه محصتش حاجه

انتوا كبرتوا الموضوع ليـــــــه

محصتش حاجه يا جماعه عادى عادى

بسم الله الرحمن الرحيم

معلشي يا استاذ أشرف محصلش حاجة لكل ده احمد مقلش حاجة يعني تستاهل ده كله حضرتك بترد عليه بسبب مواضيع سابقة وحضرتك سيبت

الموضوع الاساسي بتاع خالد وكان المفروض ندعي لخالد وربنا يدخله فسيح جناتة وينتقم من اللي عمل فيه كدا بجد يا جماعة مفروض نترك

الحسابات الشخصية ونركز في المواضيع المكتوبة

معلشي يا مستر اشرف على ردي

بس كان لازم اقول كده مش عشان احمد صديقي لان ده الصحح بس بجد يا جماعة مينفعش اللي وصلنا ليه ده

ولا حول ولا قوة إلا بالله ، وإن لله وإنا إليه راجعون

انا مش هقول خير كلمتين

الله يحرق الحكومة
واللى كانوا مثلوها
دول عالم ظاملة
مش ليهم دين خالص

حسبي الله ونعم الوكيل
فعلا ربنا على الظلام والمفترى وبن الحرام

فعلا حسبنا الله ننعم الوكيل

والله حرام كده

فعلا في ديمقراطيه وعدل

الله عليكي يامصر ياام الدنيا

حسبنا الله ونعم الوكيل

مصر مين وعدل مين

ولا حد يقدر يقول كلمـــــــة

فعلا كان ممكن اى حد فينا يكون

خـــــــالـــــــد

حسبنا الله ونعم الوكيل

حسبي الله ونعم الوكيل
فعلا ربنا على الظلام والمفترى وبن الحرام

أحب أعلق على الأخ إيهاب القطرى

الموضوع أبسط من ذلك يا أخ إيهاب

وإذا كان المهندس أحمد صديقك فأنا أيضاً زميلك

وأنت بتقول أحمد مقلش حاجة تستاهل كل ده

لا ياسيدى الفاضل تمعن فى الموضوع جيدا وأنت تعرف

شوف السطر ده أولا وانت تعرف مدى الإستهزاء والسخرية

الأخ أحمد مفكرنى غير مسلم ومش هكون مصدق كلام المولى والدستور بتعنا القرآن الكريم

هل فى عاقل يعترض على ما نزل فلى كتاب الله

مصر من اعظم بلاد العالم بتاريخها وبذكرها في القران ولا عندك

اعتراض في دي كمان

النقطة الثانية :

اللي احنا فيه من ذل ومهانه المشترك فيه الشعب اللي زي حضرتك هما

السبب فيه

جيل حضرتك واللي بعده واللي بعده عايشين وراضيين

وساكتين

ومذلولين وبتفرحوا بعلاوه او زياده جديده

يعنى بمعنى العبارة إحنا سبب ذل جيلكم

أى الله إحنا قدرنا نعملة ومعملنهوش فى مجتمعنا عشان يصلح حال مصر

وأنت عارف اللى بيفتح فمه بيروح فين يا أخ إيهاب

وأنت موظف وعارف بننتظر الفتات من الحكومة كالعلاوات

أو زيادة كى تزيد من دخلنا وتسد رمق جوعنا

ولما ربنا يسهل ويتوظف الأخ أحمد هينتظر مثلنا هذه العلاوات

ولو مش محتاج الوظيفة يا أخ أحمد بلاش تتريق على الغلابة الموظفين

النقطة التالية :

انا شاب وشايل هم جيلي واعلم بمشاكله من حضرتك

أنا معاك فى النقطة دى أنت أدرى بهموم جيلك ومشاكلهم

ولكن لست أدرى منى بمشاكل المجتمع سواء جيلك أو من قبل جيلك أو بعد جيلك

وحسستنى أن سنى قارب ال 100 سنة

ولا متعرفش أن عندى أسرة وخايف على مستقبلهم أيضاً

وشايل همهم ومشاكلهم أيضاً

ولا أية يا عم إيهاب يا قطـــــــــــــــــــــــــــرى

يبقى يا أخ إيهاب المهندس أحمد مقلش حاجة

ولولا إختلاف الأراء لبارت السلع

ولك منى يا أخ إيهاب أنت والأخ أحمد أجمل المنى وأرق تحياتى

خلاص يا مستر اشرف

وحضرتك مستر احمد

وحضرتك مستر ايهـــــاب

محصتش اى حاجه واحنا كلنا بنحترمكم

وخلاص نرجع زى زمـــــــان

ميبقاش فى اى حاجه

وان شاء الله حصل خير

1. هذه بعض أداب التعامل ... أحببت أن أطرحها لكم ... وكلي أمل أن نسمو فعلا بتعاملنا

أن نحاول أجادة فن التعامل ... فن الحوار

اهم شي السياسة و الدين ممنوع النقاش منعا باتا او ابداء اي راي حول ما يخص هذا الموضوع و ستتحذ كل التدابير اللازمة تجاه كل من يخالف هذا الشرط

1_القاعدة الذهبيه في التعامل ... عامل الناس كما تحب أن يعاملونك

لين الجانب ... الرفق فى التعامل ...الكلمه الحسنه لها تأثير جدا كبير ...يجب أن نعي جيدا

أننا نتعامل عن طريق( شبكه) ...حدود تعاملنا هو النص المكتوب وجب علينا أن ننقي

كلماتنا وأن نختارها برفق ... بذوق لكي لاتفهم بشكل خاطيء.

2 _القراءه الجيده للموضوع ... يجب علينا قرائة المواضيع والمشاركات جيدا قبل

الرد عليها ...نحاول قدر الأمكان عدم الحياد عن صلب الموضوع.

3 _عدم الأستهانه بمواضيع الغير.

4 _تشكل ردود أفعالنا ما يقارب7% من مجموع تصرفاتنا ... لذا وجب علينا الحذر قبل

أن تصدر منها أي ردة فعل قد نندم عليها مستقبلا ...نكرر قراءة المواضيع مرة أو

مرتين ثم نحاول تجنب الرد تحت تأثير موجة غضب.

5 _ لكاتب الموضوع ... حسن النيه عند قراءة الرد...هناك بعض الأعضاء من يكتب بعض

الكلمات التي لا يقصد بها التجريح أو الاهانه ... بأمكاننا أن ننظر الى ما كتبه ذلك

العضو من باب التلقائيه في الرد أو ما شابه ...أي أنه لا يجب علينا أن لا نفترض

أن يكون المقصود من رده هو التجريح.

6 _عند الرد على موضوع أحد الأعضاء ... أطرح وجهة نظرك بدون فرضها على الغير

تذكر جيدا أن لكل شخص توجهاته الخاصه ... وأن لكل شخص نظرته الخاصه

للأمور أبحث عن الأخطاء وحاول أن تعالجها ... لكن دون أن تحجم الموضوع

أشر اليها بما لا يعرض صاحب الموضوع للحرج.

7 _الأعضـــــــــاءالجــدد ....يجب أن نضعهم نصب أعيننا ..أن لا نبخسهم حقهم من الردود

والتواصل لمجرد أننا لا نعرفهم ...بل يجب الوقوف بجانبهم .

جميعنا بدأنا هذا المشوار بخطوات ... وجميعنا يعلم أن أصعب تلك الخطوات كانت

أولى خطوة.

8 _ حين يحدث خلاف في موضوع ما بين عدة أشخاص ... من الواجب علينا التخفيف

من حدة الخلاف ... والسعي الى فض النزاع وتهدئة الأمور مهما كانت أسباب الخلاف

لا أن نشارك فى أشعال فتيل ذلك الخلاف.

9 _ أخـــواتـي الأعضاء ... لا تتردد أن تتأخر فى ردك على أي موضوع تراه جديدا أو

موضوع قرأته ... لن نخســـــر شيئا عندم نقوم بالرد على أي موضوع فنحــن الحافـــز

المشجع لهذا الكاتب بردودنا .... من السهل أن نكسب عدوا ولكن من الصعب أن نكسب الصديق . وأخـــــــــيرا .....

أحبتي

القليل من الحكمه والقليل من التروى والصبر لنرتقي بمنتدانا

الى ما نصبو اليه

القليل من الحكمه والقليل من التروى والصبر لنرتقي بمنتدانا

الى ما نصبو اليه

فعـــــــــلا والله يا استاذ عمــــاد

وان شاء الله نرجع زى زمــــان واحســـن

وان شاء الله منتدانـــا هيكون احســــن منتدى