اللي عايز يعرف الحقيقه يدخل وبسرعه

بسم الله الرحمن الرحيم

ان شاء الله نبدأ مع بعض موسوعه من خلالها نحاول نزيد الوعي وتوسيع المدارك وزياده المعرفه
لكل ما يدور من حولنا لكن اتمني ان الأعضاء يحاولوا يركزوا معايا ويفهموا الكلام ده كويس
انتشرت كلمات كثيره يذكرها الجميع ولا يعرف البعض ما تعنيه هذه الكلمات
حان الأوان لمعرفه المعني لهذه الكلمات
سمعنا الخصخصه وسمعنا خارطه الطريق و العولمه و الحداثه وما بعد الحداثه ونظريه صراع الحضارات ونظريه نهايه التاريخ
وكمان المركزيه واللامركزيه وغيرها ......من الكلام المجعلص الغريب
موعدنا انهرده مع العولمه وكلامنا في منتهي البساطه ان شاء الله لبلوغ المعرفه للجميع

معني العولمه :
وهو عالميه القيم والعادات والثقافات لصالح العالم المتقدم اقتصاديا وبمعني اخر سيطره قيم وثقافه وعادات العالم الغربي (المتقدم اقتصاديا) علي بقيه دول العالم وخاصه الدول الناميه
وبالتالي اذابه الفروق وبين الحضارات وتهميش الجانب الديني
وليها اكتر من اسم اخر
الكونيه الكوكبه وايضا الأنتماء العالمي او الأمركه او سيطره النظام الرأسمالي

كيف تولدت العولمه :
قبل ظهور العولمه كان العالم منقسم الي جانب رأسمالي (او بيسموهم اليمين امريكا ) وعلي الجانب الأخر الشيوعي او الماركسي او الأشتراكي(او بيسموهم اليسار وكان متمثل في الأتحاد السوفيتي)
وبعد انهيار الأتحاد السوفيتي اصبحت القوي اللي علي الساحه هي امريكا ونظامها الرأسمالي وبالتالي كانت اليد المسيطره علي العالم هي امريكا بعد اختلال ميزان القوي العالميه
وبالتالي قامت العولمه علي انقاض الأتحاد السوفيتي

طيب ايه جوانب العولمه وياتري هي شئ كويس ولا اي كلام

الجانب السياسي :
كما شرحنا في النقطه السابقه انها قامت علي انقاض الأتحاد السوفيتي وبالتالي اصبحت امريكا هي القوي المسيطره فأصبحت تسن القوانين زي قوانين حقوق الأنسان
والحريه والديمقراطيه ودور اكبر ومؤثر للأمم المتحده في حل النزاعات
وبدأ ظهور الهيمنه وعيوب هذا النظام من خلال الكيل بمكيالين بين الدول فنري الأمم المتحده تنفذ القوانين والأحكام في مناطق وتتجاهلها في اخري
حدث ذلك في حرب البوسنه والهرسك وكمان زي دلوقتي في فلسطين
تحت رايه مزيفه اسمها حقوق الأنسان والحريه والديمقراطيه
فكانت العولمه من الناحيه السياسيه والعسكريه ما هي الأ فرد عضلات امريكا علينا احنا الدول الناميه
متمثله في قرارت هيئه الأمم المتحده
الجانب الأقتصادي:
طبعا المتحكم في دفه العالم وحركته قوي وحيده وبالتالي من مصلحتها عدم ظهور اي قوي اخري علي الساحه ومفيش اقوي من سلاح الأقتصاد
لكسر عظم الدول الضعيفه ادت قوي العالم الغربي ماديا وتكنولوجيا من الضغط علي دول العالم الثالث اللي زينا من فتح اسواقها علي المنتجات الغربيه والشركات الأجنبيه متعدده الجنسيه
وبعدها جاءت الضربه القاضيه من خلال اتفاقيه الجات 1994 وبالتالي تحكم منظمه التجاره العالميه بالتجاره العالميه وبالتالي الدول الضعيفه الجناح اللي زينا مجبره من الدخول فيها والخضوع لقوانينها
وذلك فتح اسواقنا للغرب مع التسهيلات الجمركيه اللآزمه وبالتالي
اصبحت المنافسه شرسه مع المنتجات الغربيه رخيصه التمن والنتيجه اللي متوقعه انهيار الأقتصاد امام هذه الهجمه الشرسه
طبعا حضراتكم شايفين ده قدام عينكم من خلال هجوم المنتجات الصينيه علي السوق المصري وبالتال انتشار البطاله
ونرجع تاني ونقول ان العولمه جعلت من الدول الناميه سوق كبير للبضائع الغربيه ودا يهمها وذلك لتخنق الدول الناميه
وتضحك عليها بعد كده من خلال صندوق النقد الدولي والفوائد الهائله اللي تقسم البلد اكتر ما تفيد
وكمان الأدهي من كدها المعونات الأمريكه اللي داخله البلد مع شروط قاسيه للخضوع والذل وزياده الأنكسار
وبملاحظه بسيطه علي المعونات اللي داخله دي هتلاقي انها موجهه في مجالات معينه مع مراقبين من الأمم المتحدده تشرف عليها
زي مثلا تطوير التعليم مكافحه المخدرات و مكافحه ختان الأناث
كمان في عربيات اسعاف مكتوب عليها معونه من الشعب الياباني
ولم يتم توجيه المعونات لصالح التعمير ولا الصناعه زي ما قولت ليكم يهمها تضعف الكل وتكسرهم عشان تكون هي الأقوي
دا كان الجانب الأقتصادي
نشوف الجانب الأجتماعي والثقافي :
كل بلد وليها عادات وقيم وشكل مختلف عن البلد التاني
المطلوب دلوقتي نشر العادات والقيم الغربيه التي فشلت في بلدها ومع اهلها اصبح حال الشباب دلوقتي غريب وشكله اغرب
من تقليد للمجتمع الأمريكي من لبس ومعتقدات وادعاءات فقدنا هويتا والغالب ان الكل يواكب العصر اصبحت اللغه الأنجليزيه هي لغه العلم وبالتالي لغه العصر
وضاعت بيننا لغه العربيه تصرخ في وجه ابناؤها تنادي انتشرت مدارس اللغت وغيره اصبح التقليد اعمي
ودا كان وجهه العولمه الأجتماعي والثقافي
نشوف الجانب الأخطر وهو الجانب الديني:
طبعا لنشر العادات والقيم الغربيه والتي تتنافي مع قيمنا السمحه كان لابد من القضاء علي الجانب الديني
وذلك بأذابه الفوارق بين الأديان وتهميش الدين الأسلامي علي وجه الخصوص من ادعاءات الغرب عن المعسكر الأسلامي كما يسمونا بالأرهاب والتعصب
وظهرت الموضه الجديده (مقارنه الأديان )ومحاوله تهميش الدين
وحركات التبشر التي تسري بين الشباب
قال الله تعالي
ومن يبتغ غير الأسلام دينا فلن يقبل منه وهو في الأخره من الخاسرين
وقال تعالي
إِنَّ الدِّينَ عِنْدَ اللَّهِ الْإِسْلَامُ وَمَا اخْتَلَفَ الَّذِينَ أُوتُوا الْكِتَابَ إِلَّا مِنْ بَعْدِ مَا جَاءَهُمُ الْعِلْمُ بَغْيًا بَيْنَهُمْ وَمَنْ يَكْفُرْ بِآَيَاتِ اللَّهِ فَإِنَّ اللَّهَ سَرِيعُ الْحِسَابِ (19) فَإِنْ حَاجُّوكَ فَقُلْ أَسْلَمْتُ وَجْهِيَ لِلَّهِ وَمَنِ اتَّبَعَنِ وَقُلْ لِلَّذِينَ أُوتُوا الْكِتَابَ وَالْأُمِّيِّينَ أَأَسْلَمْتُمْ فَإِنْ أَسْلَمُوا فَقَدِ اهْتَدَوْا وَإِنْ تَوَلَّوْا فَإِنَّمَا عَلَيْكَ الْبَلَاغُ وَاللَّهُ بَصِيرٌ بِالْعِبَاد
سوره ال عمران

طيب ايه الحل نبعد ونعيش في عزله يعني ولا ايه؟
لا طبعا الغرب ذي ما في عيوب في مميزات نحاول نفكر في كل شئ بيقدمه وناخد اللي يتناسب معانا ومع دينا واخلاقنا دا بالنسبه للجانب الأجتماعي والثقافي
ونحاول نعتز بديننا ونكون اهل حق في رفع الدين واعتناق الدين ورفعته
واكيد جه الوقت ان يكون في اتحاد اسلامي عربي له شكل وسمه الدين الأسلامي بخلقه ورفعته وشراسته في مواجهه الموجه
والتسلح العلمي والفكري واعتناق الحريه والديمقراطيه وعمل كيان للعالم العرب بمعالجه الشقوق الثغرات وبترقيع ثوب الهيئات العربيه
وبتحقيق الديمقراطيه والبعد عن حب السلطه وحب الذات اللي انتشر في ارجاء الوطن العربي

وان شاء الله موعدنا القادم مع معني جديد من المعاني اللي علي الساحه
معلش الموضوع طويل شويه بس انا بسطت الموضوع واختصرته علي قد ما قدرت
اتمني الأعضاء يقرأوا الموضوع لآني تعبت في كتابته

بقلم م/احمد فوزي
اتمني من الجميع القراءه والمناقشه

اللي عايز يعرف الحقيقه يدخل وبسرعه Jazak

مجهود رائع بارك الله فيك

شكرا ع الموضوع الجميل دا

وبارك الله فيك

شكرا للمروركم

انا عايز الأعضاء يقرأوا الموضوع ويناقشوني فيه

وان شاء الله لو الموضوع لاقي نجاح بين الأعضاء وحسيت انه فادهم
هكمل الموضوعات الباقيه

وبعدها جاءت الضربه القاضيه من خلال اتفاقيه الجات 1994 وبالتالي تحكم منظمه التجاره العالميه بالتجاره العالميه وبالتالي الدول الضعيفه الجناح اللي زينا مجبره من الدخول فيها والخضوع لقوانينها

بصراحه انا مش فاهمه الجمله دي

وشكرا ليك يا مستر احمد ع الكلام الجميل ده

وياريت تكمل الموسوعه

مشكوووووووووور جدا
ياباش مهندس ع التوضيح الرائع
واهم حاجه فهمت معنى العولمه
كنت فاكرة لما حد يقول
نحن فى زمن العولمه
ان الزمن كلو عوالم
(راقصات) يعنى

الجهـــــــــــــــــــل
وحــــــــــــــــــــــش

young doctor كتب:

وبعدها جاءت الضربه القاضيه من خلال اتفاقيه الجات 1994 وبالتالي تحكم منظمه التجاره العالميه بالتجاره العالميه وبالتالي الدول الضعيفه الجناح اللي زينا مجبره من الدخول فيها والخضوع لقوانينها

بصراحه انا مش فاهمه الجمله دي

وشكرا ليك يا مستر احمد ع الكلام الجميل ده

وياريت تكمل الموسوعه

شوفي يا دكتوره معني الكلام ان التجاره هيكون الأشراف عليها من خلال منظمه اسمها منظمه التجاره الدوليه يعني هي اللي تنظر في الخلفات والمشاكل التجاريه وليست الدوله وكمان اللي هيسطر علي منظمه التجاره الدوليه الدول المتقدمه زي امريكا كده وبالتالي هتتحكم في التجاره الخاصه بالدول الضعيفه
بعد اتفاقيه الجات البضايع الغربيه كلها دخلت مصر مع التسهيل الجمركي ليها
يعني البضايع هتغرق السوق وتكتر واسعارها بسيطه
يعني المصانع بتاعتك هتقف عن الأنتاج لأن منتجاتها هتكون اغلي من اللي جايه من بره
زي المنتجات الصيني اللي ملت السوق
وهتلاحظي ان الصناعه ضعفت عندنا اوي
شكرا ليكي

شكرا كتير ليك يا مستر احمد ع التوضيح

وجزاك الله خيرا

لحن الخلود كتب:

انا بهنيك علي صراحتك دي يا خلود
وان شاء الله نقدر نفيد بعض
ونستفيد كلنا

جزاك الله خيرا

بصراحة والله موضوع جميـل جدا

وانا كمان كنت فاكرة العولمة دى زى ما خلود قالت

مجهود رائع مستر احمد

مشكور

وياريت تكمل موضوعاتك القيمه دي

مشكوووووووور

مشكور

شكرا لك

مشكور

اللي عايز يعرف الحقيقه يدخل وبسرعه

اللي عايز يعرف الحقيقه يدخل وبسرعه :: تعاليق

اللي عايز يعرف الحقيقه يدخل وبسرعه

مواضيع مماثلة

مواضيع مماثلة