الأحساس بقيمة العمل وأهميته هو أساس أى حركة تطوير أوتغير فى المجتمع والمجتمع لا يهتم بعمله ويقدره أن أختفت منه قيمة العمل الجاد المخلص
وللأسف فأن مصر تتراجع فيها قيمة العمل بشكل لا مثيل له والأهم أن قيم الفهلوة والأهمال هى التى تسود حاليا
تغير مثل هذه الطباع هى أصعب شىء فى تطوير أى مجتمع
الموضوع محتاج تربية من الأول فكيف تقنع العامل أن يعمل بأخلاص وما يزوغش وياخد مرتب على مفيش
خصوصا أنه يعانى الأمرين فى حياته ورؤساءوه لا يفرقون بين من يعمل ومن لا يعمل ولا يقدرون قيمة الأبداع فى العمل أو الأفكار الجديدة التى قد ترتفع بمستوى المنتج أو الخدمة
طالما التنظام كما هو واللامباله والفساد هو الدين الجديد فة هذا البلد
ستظا القيم التالية هى الأساس ولتسقط قيمة العمل

1 أجعل هدفك فى الحياه هو الراحة والأسترخاء



2- حب سريرك فهو مملكتك الوحيدة

3- ارتاح بالنهار لتتمكن من النوم بسهولة في الليل

4- العمل شيء مقدس، لذلك لا تقترب منه أبداً

5- لا تؤجل عملك للغد طالما يمكنك تأجيله لبعد الغد

6- اعمل أقل ما يمكنك عمله، وحاول أن تجعل غيرك يؤدي عملك بدلاً منك

7- لا تقلق لن يموت أحد إذا لم تفعل شيئاً، بالعكس قد يتأذى البعض عندما تعمل

8- إذا أحسست بأن لديك رغبة في العمل، استرخي قليلاً حتى تزول تلك الرغبة

9- لا تنسى: العمل مفيد للصحة، لذلك اتركه دائماً للمرضى
05:02 م | عرض الارتباطات المرجعية (1) | تدوين | أحلى كلام
شخص ما على Windows Live
التعليقات (10)
ahmed nabeeeeeel - 26 مايو, 2007
سلام عليكم
احمد اسمحلي اختلف معاك في حاجه في الموضوع ده
انا مش مختلف معاك ان فيه مشكلة كسل و لا مبالاة و نقص قيمة العمل في المجتمع
بس القاء كل اللوم على الضحيه يعتبر مش صح لان المصريين معروفين بطموحهم العالي
بس يا احمد انا حللت الموضوع ده و في رايي انه البداية كانت ان مطلوب من الموظف يشتغل 8 ساعات في اليوم
و ياخد مرتب ميكفيش حتى انه يجيب بيه لب ابيض فده خله العمل ملهوش قيمة و اي انسان في العالم لو قلتله اشتغل من غير ما ياخد مقابل مادي
يعيشه عيشه كريمه مش هيدي بعدين بعد ما بدا ينتشر الاهمال بسبب انعدام المرتب بدا الموضوع يتحول لعاده عند ناس كتير
حتى لو بياخدو رواتب معقولة
انا هنا مش ببرر الغلط لان مفيش اي حاجه في الدنيا تبرر الغلط بس انا كنت عايز اوصل بس ان المسئولية موزعه
على الناس و على الدولة اللي فيها عسكري المرور ارخص من اشارة المرور و قلة استخدام التكنولوجيا في مصر لان العامل ارخص بكتير
من اي وسيلة تانيه
و الدليل على ان المصريين مش كسولين بالفطره و ميستحقوش القسوة المبالغ فيها يا ابوحميد منك ضدهم انهم في كل دول العالم
لما بيتوفر ليهم المناخ الجيد و يقعد فتره كده ينسى فيها الوضع في مصر بينجحو نجاح مبهر و بيبقى عندهم طموحات عاليه
طبعا كالعاده طولت بس الموضوع محتاج موضوع للرد عليه اصلا مش كفايه تعليق
اخيرا لقيتلك غلطه يا اخي ده النهرده يوم تاريخي
سلام عليكم
Saso0o - 28 مايو, 2007
انا بئى معاك معلش بئى بالعربى كدة مفيش بطالة فى البلد فى كسل و قلة ضمير
و قلة طموح كل واحد بيحط سقف لاحلامه بينتهى بيه الحال موظف مطحون لكن لو حلم وحط هدفه ادامه و قاوم الاحباط مهما كان الفساد فى البلد حيحقق اللى هو عايزه
الموضوع ابسط من ما ممكن يتصدق بس هو كدة فعلا بسيط ممتنع لو وثقت انك تقدر حتقدر و لو فقدت الثقة مش حتقدر
و موضوع النجاح برة بئى هو لان هما من جواهم بيحسو انهم حيتقدرو هناك مش هنا فبيشتغلو هناك و مبيشتغلوش هنا و يتبهدلو هناك بس لا يقبلو يتبهدلو هنا
بص مصير اى انسان هو اللى متحكم فيه مش اى عوامل تانية
ahmed nabeeeeeel - 30 مايو, 2007
سلام عليكم
كلامك جميل قوي يا ساسو بصراحه و ممتع قوي قوي و صح قوي قوي
بجد تفكيرك عظيم جدا و ده اللي المفروض يكون عليه كل الناس و كويس انك رديت على كلامي
احسن اي حد مبيشتغلش يفتكر انه ليه عذر بقى و يقعد جنب الحيطه و يسمع الزيطه لانه حاسس انه
مظلوم و انه مش زنبه
بس ده برضه مينفيش ان شعبنا مطحون و مظلوم و صعب كل الناس البسطا يفكرو زي ما انت بتقول كده
ولو ان كلامك انت الصح
بس انت كده بتشيل المسئوليه من على الفاسدين و المفسدين اللي بيشاركوا كل واحد ارتشى او اهمل
او سرق في زنبه لانهم حطوه في مناخ بيشجعه على كده و اللي بيخلي شعبنا يطحن بره يا ساسو انه بيلاقي مقابل
مش انه غاوي طحن بره و مش غاوي طحن جوه ولو ان كلامك فيه شيء من الصحه اننا بره بنطلع مستموتين فبننجح
و هنا بنطلع مستموتين اننا ندور على شماعة لفشلنا فبنفشل
عموما كلامك جميل قوي و يفرح و بوظت عليا اني ما صدقت الدكتور احمد قال حاجه اختلف معاه فيها
ولو اننا مختلفين خلقه اني اهلاوي صميم وهو مش هقول بقى علشان الناس ميتقلبوش عليه
سلامو عليكو و مستني بجد تعليقك يا ابوحميد على كلامي انا و ساسو
Hamlet 0000 - 30 مايو, 2007
عزيزى أحمد...العزيزة ساسو
والله أنتم ظلمينى جدا ومين قال أنى بلوم الناس وبس
انا كمان لمت النظام ...النظام السياسى ونظام العمل وعدم التقدير وعدم فتح الباب للأبداع
قيمة العمل لا تفقد من نفسها بل تفقد بعد سلسلة طويلة من الظلم وعدم التقدير والامبالاة
أنا لا أرفع اللوم من على الأفراد ولكنهم جزء من فشل عام وسقوط سريع نحو الهاوية يسرع اليه المجتمع ككل

maha ahmed - 2 يونيو, 2007
احم
فى إية يا جدعان ..؟؟ أحمد وساسو يعنى
أنا حاسة إن أنتوا واخدين الموضوع قفش أوى
أصلا أان قريت الموضوع و ضحكت على شوية حاجات ..و ماأظنش ..أعتقد يعنى ..ان د. أحمد كان قصده جد أوى كده
عامة و من يتقى الله يجعل له مخرجا ..و صعب علينا أوى فى الفترة دى ..أو فى الفترة اللى فيها مصر دى
ان العمل يمشى كعمل جماعى ..أو ينجح نجاح جماعى ..نجاح العمل بقى مقتصر على نجاح الفرد و السلام
شفتوا هاتخلونى آخد الموضوع قفش زيكم ..أصل الحاجات دى ماتتاخدش قفش..هانتعب والله
و ولا هانلاقى حل
موضوع لذيذ يا أحمد
بس أنا عارفة ساسو لية كتبت الكلمتين دول ..المذاكرة عاملة فيها عمايل ..ماصدقت طلعت الكلمتين

ahmed nabeeeeeel - 2 يونيو, 2007
سلام عليكم
انا بقيت بكتب تعليقات اكتر من السبيس نفسه ههههههههههه
بس معلش البيت بيتي بقى و الله يا ابوحميد انا بحس في السبيس بتاعك كان البيت بيتي بجد
بحب المكان ده و بحب افتح الصفحه دي اكتر من السبيس بتاعي شخصيا
كنت حابب بس اقول اني مقفشتش مع او من ساسو ابدا بالعكس
كلامها مقنع جدا و صح مية في المية و طبعا رد دكتورنا كان جميل قوي
انا كنت بهزر في كلامي مع ابوحميد طبعا اما ساسو فردها جميل قوي و منطقي
العمل عباده و انا مش بحب كمان يكون العمل مجرد وسيلة للفلوس لا
career علشان كده بحس ان لفظة
بالانجليزي دقيقه قوي في وصف اللي انا اقصده عن العمل يعني مستقبل مهني مش مجرد عمل
او وظيفة براتب لمستلزمات الحياه
بعتذر لاخويا الكبير ابوحميد و لاختنا الصغيرة ساسو لو كان تعليقي او ردي بان بصورة جافة مش مقصودة
طبعا كالعاده واخد مكان في السبيس كبير بس ده شرف ليا انا شكلي هخلي السبيس بتاعي
حتة آخدها من سبيس ابوحميد ايجار جديد
سوري على التطويل بس بحس اني بكتب في السبيس بتاعي فبراحتي
سلام عليكم
maha ahmed - 3 يونيو, 2007
لا الأخ أحمد مافهمنيش
أنا ماقصدتش ان رده جاف على ساسو
هو اصلا مفيش نفطة خلاف قوية بينكم
أنا قصدى ان أنتوا قلبتوا الموضوع جد أوى
يا أما أنا اللى مفرفشة زيادة
عامة ..مفيد الحوار ..كملوا..أحمد سايبنا على راحتنا ..زى ولاده
Hamlet 0000 - 3 يونيو, 2007
مها
عندك شوية حق
يعنى فى أيام الأمتحانات بتعاتكو
الموضوع مش ناقص جد
عموما أنا خدتها نص جد ونص هزار عشان الدنيا تمشى
الكتابة فى المواضيع اللى ذى دى بترفع الضغط

أبوحميد
البيت بيتك يا باشا
شرف ذى ماأنت عاوز
أن تمللى بانبسط بوجودك

all
i think about creat sharing blog to allow all my frinds to write down in it
ma3lesh gat bel englisi ma3rfesh leeh
yemkn 3ashan mash3`ool awi el yomin dol

maha ahmed - 13 يونيو, 2007
طيب تفضى أنت يا فندم و أنا أخلص إمتحانات
و نشوف الحكاية الحلوة دى

ahmed nabeeeeeel - 15 يونيو, 2007
سلام عليكم
دكتور احمد انا قريت الموضوع ده بتمعن قوي المره دي و حابب اقولك حاجه
انا اكتشفت اني رديت 3 ردود على الموضوع ده كلهم محتاجين تعديل و اني كانت نظرتي ضيقه قوي لما
مبصتش لهدفك من الموضوع وهو تحفيز الناس على العمل و بصيت لاننا منجلدش نفسنا و ده كان ضيق نظر مني قوي
و الغريب اني المفروض اللي بقول لكل الناس متبصوش للمواضيع من نظرة ضيقه و خدوها من نظره شامله
بس يلا مش مشكله كلنا بنغلط و انا منهم بس المهم يا سيدي فيه حاجه جميله قوي بنفس المعنى اللي حضرتك كاتبه
انا وقعت تحت ايدي و اثرت فيا لدرجة التدميع و كنت ناوي اعمل بيها موضوع في السبيس بتاعي بس
بصراحه لقيته حق عليا اني اكتب هنا مش معقول ابوظ موضوع جميل عندك و اعمل نفس فكرته عندي ولو اني قادر و اعملها
http://www.islamonline.net/livefatwa/arabic/Browse.asp?hGuestID=E7hNa2
اللينك ده لحوار مع الدكتورة اللي انقذت محمد صديق و فيه عبر و عظات كتير لاولي الالباب
1_ دكتورة مكلفه مسكينة طالع روحها اجادت عملها لوجه الله اولا و اتقان العمل كان عندها هدف
2_ الدين عقيدة و عمل و بضيف على كلامها انه عقيدة و عمل و انتاج لو مضيفتش لمجتمعي قيمة يبقى عملي بيفقد جزء من قيمته
3_ عدم اليأس من رحمة الله و سبحان الله من دكتورة مكلفه في محافظة غير محافظتها و احباط فظيع بالصبر و الايمان بالله ربنا من حيث لا تحتسب رزقها انها بقت دكتورة مشهورة و خدت منحه للزمالة
4_ كان دايما في عز الازمات دي عندها طموحاتها الخاصة اللي ملهاش حدود زي الماجستير و الدكتوراة و الزمالة و عندها شغف بالعلم الديني و العلم اللي في تخصصها
5_ العمل مهواش مجرد وسيلة كسب فلوس لا العمل ليه قيمة اكبر بكتير لازم نحطها في حسبانا و احنا بنشتغل حتى لو برواتب مش مشجعه و ده في مجال الطب بيتلخص في آية
{وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً} المائدة32}
آسف للتطويل يا ابوحميد بس اعذرني كان لازم التطويل ده يكون في المكان ده
كمان اللي لاحظته انك ما شاء الله عليك الفوايد الخمسه اللي انا كاتبهم دول ليك موضوع عن كل واحد منهم بصفه مستقلة
بجد ربنا يخليك لينا و انا سعيد قوي بكل كلمة بقرأها ليك سواء في سبييسك الجميل او في البلوج الجميل بتاعك او كتعليق في سبيسي المتواضع او في السبيسات التانيه الجميلهقيمه العمل[right]