( هل عيد الربيع حرام موضوع يتساءل عنة الجميع )انا نفسى اسأل سؤال
هو ربنا حرم الفرحه؟!!!!!!!!
يوم شم النسيم بالنسبه لنا يوم مختلف تماما
لا اتذكر انه مر علينا فى سنه مرور الكرام دون احتفال
شم النسيم يعنى
نسافر من السبت او الاحد
ونسهر طول ليله الاحد نتكلم ونحكى ونهزر ونلعب
ما العيله كلها و اصحابنا ومعارفنا كلهم متجمعين
نسهر لحد لما نصلى الفجر كلنا جماعه
نتلم كلنا فى البرنده ونصلى كلنا
حتى الاطفال دون السابعه
يمكن يكون اليوم الوحيد فى السنه كلها اللى العيله كلها بتتلم وتصلى الفجر فيه جماعه
بعد كده لو حد حابب يريح ساعه او حاجه يدخل ينام شويه
واول لما الشروق يجى
الكل يجري يتخانق علشان يلحق دوره
الكل بيتسابق صغير وكبير على
لدرجهىاننا احيانا بننزل الجنينه علشان نلحق
اه واللهى كأنها مسابقه للفائز الاول
الكل عايز يلحق يدخل يتوضى
الكل عايز يلحق لنفسه سجاده صلاه و البنات عايزه تلحق لها اسدال صلاه
متستغربوش اصلها فيلا فى المصيف يعنى اكيد مش عندنا سجاجيد واسدالات تكفى كل البنات
الكل عايز يلحقى يصلى اكبر قدر من الركعات علشان الضحى قبل ما حد يصحى ويلهيه
الكل بيتسابق للصلاه
الكل عايز يصلى افضل واكثر
وبعد الصلاه الكل يجهز للخروج
الكل جايب طقم جديد
اصفر واخضر واحمر وفوشيا
والاطفال كل واحد جاي يعرض االالوان اللى فى اللبس بتاعه
كل بيبى يجى يقولك بصى يا طنط انا عندى الوان اكتر من فلان
وبعد كده ننزل كلنا على البيلاج
نفضل نتمشى لحد الساعه 9 تقريبا او اول لما الشمس تكون جامده
نرجع للبيت وطبعا مسابقه افضل بيضه
ههههههههههههههههههه
ونعمل استفتاء للبيضه الافضل
هههههههههههههه
وبعد ما نلون البيض ونفطر
اللى عايز ينام شويه او كده
وبعد الظهر
اللى بيكل فسيخ او رنجه او سمك او او محشى
وطول اليوم بقى مسابقات ولعب وجري
كوره وسباحه وطاوله وشطرنج والمنديل وجرى
وتلوين وفوازير واحلى اكله واجمل طقم وركوب عجل
وسباق السيارات اللى فى الرمل
واحلى القاء لقصه سيدنا موسى عليه السلام
ونفضل طول اليوم بالشكل ده
وبعد كده اليوم يخلص ونرجع بيوتنا
ويفضل يوم شم النسيم الذكري اللى بنعيش عليها للسنه اللى بعدها
يمكن كلامى مش يعجب حد
بس احنا شايفين اننا مش بنعمل اى حاجه حرام ولا بنغضب ربنا
[/b]
الجمعة أكتوبر 11, 2013 1:05 am من طرف