سر وجود الشمس الي اليوم دون انتهاء

سؤال جميل اتمني من الجميع المشاركه في برأيهم ليه الشمس مع انها موجوده من ألاف السنين وهي لسه بتعطي ضوء وحراره من غير ماتنتهي طاقتها ؟!اتمني من الجميع الأدلاء بالأفكار والأراء العلميه (التفسير العلمي للظاهره الغريبه دي) ودي دعوه مني ليكم للـتأمل في خلق الله

الشمس نجم ملتهم يشع ضوء وحرارة
نتيجة التفاعلات الكيمائية النووية التى تحدث داخلة
ونتيجة هذه التفاعلات النووية
تشع الشمس الحرارة التى تحفظ للكواكب وخصوصا الارض
استمرارية الحياه
والله اعلى واعلم

يسعدني انك تكون مهتم وترد علي السؤال اللي انا طرحته كان نفسي يكون في مشاركه اكتر من كده حبيت ان اشد انتبباه الأعضاء لشئ جميل يوسع ادراكهم ويعلمهم التفكير لكن للأسف اكتر المواضيع اللي بتشغلهم وبتنال اعجابهم هي المواضيع التافهه وانا اسف لو كنت قولت لحضرتك الكلام ده بس ده اللي ظاهر واللي واضح انا عارف ان اعمارهم كلها صغيره بس كان نفسي تكون عقولهم متفتحه اكتر من كده لأن الغلبه دلوقتي للعلم واهله او علي الأقل تكون اهتمامتهم ارقي من كده مره تانيه انا اسف للكلام ده

اما بالنسبه للسؤال انت فعلا تفكير صحيح بس في حته ناقصه

الشمس نجم ملتهم يشع ضوء وحرارة
نتيجة التفاعلات الكيمائية النووية التى تحدث داخلة
ونتيجة هذه التفاعلات النووية

فعلا هي التفاعلات النوويه او الأنفجارات النوويه اللي علي سطح الشمس لأن حسب معادله اينشتاين في الطاقه والماده المعادله الشهيره E=M*C^2
حيث E:هي الطاقه
M:هي الكتله
C :هي سرعه الضوء
وهذا يعني انه من خلال كتله صغيره من الماده زي (اليورانيوم ) يمكن احداث طاقه عاليه جدا زي اللي بيحصل في المفاعلات النوويه نظرا لكبر سرعه الضوء (300000كم/ثانيه)فبكون ناتج الكتله مع مربع الزمن ناتج كبير يعني مثلا كميه يورانيوم ملئ كف الأيد ممكن تنسف مدينه كبيره

لكن لو كانت التفاعلات علي سطح الشمس تفاعلات عاديه كانت الشمس انتهت من زمان لان كل الكتله بتاعتها كانت هستنذف اما في التفاعلات النوويه فجزء صغير من الكتله يتولد عنه طاقه عاليه جدا وهي دي سر وجود الشمس ليومنا هذا

وشكرا علي المرور الكريم المبارك

شكرا على المعلومات
وشكرا على الاضافة
والحقيقة ليست هناك موضوعات تافهه
واخرى غير تافهه

فما يعجبك قد لا يعجب الاخرين
واذا نظرت الى اى مجال سوف تجد تلك الاشياء التى يعتبرها الناس تافهه
ويعتبرها الاخرون مصدر بهجة وسعاده لهم

وفى النهاية انت لا تخاطب تلك المجموعة الصغيرة فقط من الاعضاء
ولكن هناك العديد من الزوار الذين يشاهدون موضوعاتك
ولكنهم لا يستطيعون الرد عليها
سواء نتيجة الكسل وعدم الاهتمام بتحية ما هو جدير بالتحية
او لانه لم يتعلم ان يشكر الاخرين
وفى النهاية اشكرك وارجوا المزيد من العطائات الكريمة