لن صار فـي قلـبي مـن الوقت تأثيـر
لزمت قلبي لين يدمل صـوابه
ما كان قلبي عرضةٍ للتغـايير
يلعب بـه الغـربـي ليا من نوابه
واصبر إذا جاني من الغير تقصير
وأتجاهل الموضــوع وأتـرك عتـابه
وان ضاق صدري بالهموم المعاسير
سـرحت في جوٍ عذيٍّ ترابه
لكن عـلينا من غثا الـوقت تـكـدير
مـا عاد يصفى جونا من سحابه
ماعاد نرفعها جباه المكـاسيـر
يوم الشرف منا يـشـقـق ثيــابه
كــنا نعد نفوسنا دونـناالغير
وإلنا شعار وكل ابونا ذيابـه
كنا عـلى صـعـب المواقف مغاوير
والموت عـند الحـق حنـا صحابه
وحنا الجبال النايفة يا المناعير
واليوم سـرنــا للزمن حد بابه
الغـــرب ضيعـنـا بكذبٍ وتزوير
ويْحرض جنــوده عـلى اللـي عنـابـه
كـل يوم له موجه وشفـره وتعبير
يرسم على كــل الخطـط فـي خطابـه
يـرسـم علينا خـطته دون تـبـريـر
يرمـي على اهـدافه بخبث ولعابه
إن كـان فـالإعــلام والا التصاوير
ذا جزء من بعض الخطط في جرابه
لا بد من وقـفه تقلب المعـايير
تكبح جـماح الكـفـر واللي سعابه
توقف هل الطغيـان حسره وتحضير
كلٍ يـــذوق مــن المرارة شـرابـه
هـذا رسـول الحق مـا يـلحـقه ضـير
اللي وجـد درب الصـلاح ومشى به
يا كيـف نـقبل في خطاهـم معـاذير
ســب الرسـول وسبنا والصحـابة
عـبــادة الـــدولار شرابة البير
سود الوجـيه مـورثيــن الكلابـه
شيئـاً يشـوّه صورتـه يا المناعير
لا بـد مـن دحره وتـكسـير نابه
من ينتصر للدين يـا ذ المسافير
مـن يـنـتـصـر للحـق واهله تهابه
وين الرجــال اللي تقود الطوابير
أهل القلوب الغائرين الصــلابة
وين الرجال اللي تبا الموت تقدير
طلابة الحـق الكبـيــر وشبابـه
ما كــن هـذا الوضع يحتاج تغيير
يكســر هدوء العاصفــه بانـقلابه
ويحرك الوضع ألـردي علـمٍ يصير
تهتز منه أركـان بـيــت الـرحـابة
أبطيت أنا والعلم بـه صار تـأخير
ويا طول صبـري ولا لقيت الإجابة
الله يفرج هـمـنـا من هـل ألـبير
ويجمع قلوب المسلميـن الذرابة
ورسـولنا اللي للهدى نـور ومنير
الله ذكره ورافـعن لــه جـنابـه
سيد الخلايق كلها منبع الخير
أجـل واطهـر مـن ذكــر فـي كـتـابه
شفيعنا يوم الخلايق طـوابـيـر
ذاك النهـار اللـي طــويــلٍ عذابة
الجمعة أكتوبر 11, 2013 1:05 am من طرف