رثاء العمله المصرية

والله الجنيـــــــه راحت عليه . . وحالته كدة مش عجبانى

ولا عدت قادر اشترى بيه . . ترمس ولا حتى سودانى

وان رحت بيه عند البقال . . ملامحه تتغير فى الحال

ويقولى روح بلا لعب عيال . . مش عايز اشوف وشك تانى

ولو انا اديته لمراتى . . تزعل وتقلب لى حياتى

وتشتكينى لحماتى . . وتروح فى لحظه مخصمانى

وان قلت ل ابنى خد مصروف . . جنيه يقولى اعمل معروف

دا فيه يا والدى فرق كبير . . مابين زمانك وزمانى

حتى اللى ماشى يقول للـــــــه . . بقى الجنيه ما نفعش معاه